ජූම්ලා පරිගණකයේ ස්ථාපනය කරන්නේ මෙහෙමයි..

ජූම්ලා වල වැදගත් ලක්ෂණයක් තමයි ජූම්ලා ස්ථාපනය කිරීමේ ඇති පහසුව. පළමුව කළ යුත්තේ අවශ්‍ය ජූම්ලා මෘදුකාංගය බාගත කර ගැනීමයි. එය මෙතනින් කර ගත හැක.

මෙතනින් බාගන්න

මෙහිදී දැනට ඇති නවතම සංස්කරණ දැක ගත හැකි අතර, ඒවයින් නවතම සම්පූර්ණ සංස්කරණය බාගත කරගන්න.

එවිට ඔබට ජූම්ලා හි නවතම සංස්කරනයේ setup එක ලැබේවි.

Joomla ස්ථාපනය කිරීම සඳහා තිබිය යුතු මූලික අවශ්‍යතා වන්නේ පරිගණකයේ කුමක් හෝ ස(ර්)වරයක් ස්තාපනය කොට පැවතීම පමණයි. (මෙහිදී මම ඔන්ලයින් ස(ර්)වරයක් බවිත කිරීම මදක් අමතක කොට desktop ස(ර්)වරය ආධාරයෙන් Joomla ස්තාපනය කරන හැටි මුලින් කියන්නම්. )

මෙහිදී ස(ර්)වරය ඕනෑම ඩෙස්ක්ටොප් ස(ර්)වරයක් විය හැකියි. මුල් පියවරයන් ඉතා පහසුයි. පලමුව බගත කරගත් Joomla සංස්කරණයේ හැකිළුම දිගහැරගන්න. එවිට ලැබෙන ෆෝල්ඩරය ස(ර්)වරයේ root ෆෝල්ඩරයට කොපි කරගත යුතුය.

උදා: Wamp ස(ර්)වරය නම් www ෆෝල්ඩරයට , xampp නම් htdocs ෆෝල්ඩරයට, tomcat නම් webapps ෆෝල්ඩරයට ආදී වශයෙන්.

ඉන් පසු phpmyadmin වෙත ගොස් " create new database " හරහා joomla නමින් database එකක් create කරගන්න.

දැන් වෙබ් බ්‍රව්සරය වෙත ගොස් localhost හරහා අදාල Joomla ෆෝල්ඩරය වෙත පිවිසෙන්න.

eg : http://localhost/joomla 1.5.20

එවිට ඔබට Joomla ස්ථාපනය කිරීම සදහා ලබෙන වෙබ් පිටුව දක්නට ලැබේ. පළමුව ලැබෙන්නේ Joomla ස්ථාපනය කිරීම සඳහා අවශ්‍ය මූලික සුදුසුකම් ඇත්දැයි පරීක්ෂා කෙරෙන පියවරකි.

රූපය 1

ඉන්පසු ලැබෙන පියවරේදී ඔබ දත්ත කිහිපයක් ලබා දිය යුතුය.

1. Host name - මෙය සාමාන්‍යයෙන් localhost ය.

2. mysql & password - මෙය ඔබගේ ස(ර්)වරයේ යූසර් නේම් එක හා පාස්වර්ඩ් එක වේ. මෙය default, root සහ වේ.

3. mysql database name - මෙය අපි පළමුව සාදාගත් පරිදි "joomla" ලෙස ලබා දිය යුතුය.

4. mysql table prefix යටතේ "install template data" චෙක් කරන්න - මේ මඟින් "Joomla" වෙත example දත්ත ප්‍රමාණයක් ඇතුලත් කෙරේ.

රූපය 2

ඊළඟ පියවරට ගිය පසු, සියළු දත්ත නිවැරදි නම් ඔබට නිර්මාණය කිරීමට අවශ්‍ය වෙබ් පිටුවේ නම ඇතුලත් කිරීමට අදාල පියවර පෙන්වනු ඇත.

ඊලඟ පියවරේදී ඔබට ඔබේ ඊ මේල් ලිපිනය හා ප්‍රොජෙක්ට් පාත් එක ලබා දීය යුතු අදියරක් පෙන්වයි. මෙහිදී ඔබට කැමති ලෙස ප්‍රොජෙක්ට් නාමය වෙනස් කරගත හැක. ඒ අනුව URL එක හා පාත් එක සැපයිය යුතු වේ.අප මෙහිදී localhost භාවිතා කරන බැවින් ඊ මේල් ලිපිනය එතරම් වැදගත් නොවේ. නමුත් admin password එක දීමේදී සැලකිලිමත් විය යුතු වේ.

අපි දැනට ආරභක අවස්තාවේ සිටින බැවින් file permission හා directory permission යන කරුණු පිළිබඳව සිතිය යුතු නොවේ. ඒවා ඒ අයුරින්ම තැබීමට වගබලා ගන්න. දැන් ඊළඟ පියවරට යන්න.

රූපය 3

මෙම පියවරේදී Joomla ස්ථාපනය කිරීම අවසන් වන අතර මෙහිදී ඔබට installation folder එක delete කරන ලෙස සඳහන් පණිවිඩයක් දිස්වනු ඇත. මෙම folder එක පිහිටා අත්තේ Joomla folder එක තුලයි. එම folder එක delete කර දමන්න.

දැන් ඔබට ලැබෙන වින්ඩෝවෙන් ඔබට අවශ්‍ය පරිදි Joomla හි පාලක පුවරුවට හෝ වෙබ් පිටුව නිර්මාණය කිරීමට යොමු විය හැක.

රූපය 4

ආශ්‍රිත : http://www.my-guides.net

ජූම්ලා පරිගණකයේ ස්ථාපනය කරන්නේ මෙහෙමයි..